Баҳодир Жалолов номидаги боксга ихтисослаштирилган спорт мактабига кириш имтиҳонларининг биринчи босқичи жорий йилнинг 27-28-29 август кунлари бўлиб ўтади.
Имтиҳон ўтказиладиган манзил:
Ўзбекистон давлат жисмоний тарбия ва спорт университети
(Тошкент вилояти, Чирчиқ шаҳри, “Спортчилар” кўчаси, 19-уй).
Маълумот ўрнида, мазкур спорт мактабига ўқувчилар икки босқичли имтиҳон (жисмоний тайёргарлик ва тест синовлари) асосида қабул қилинади.
Биринчи босқич:
– умумий жисмоний тайёргарлик – 6 та йўналиш бўйича (жами топшириқлар учун 30 балл берилади);
– махсус жисмоний тайёргарлик – 3 та йўналиш бўйича (жами топшириқлар учун 70 балл берилади).
Умумий жисмоний тайёргарлик машқлари:
– 60 м. масофага югуриш;
– 1000 м. масофага югуриш;
– турникда тортилиш;
– паст турникда 90° тортилиш;
– турган жойидан узунликка сакраш;
– олдинга эгилиш.
Махсус жисмоний тайёргарлик машқлари:
– соя билан жанг;
– қоплар билан ишлаш;
– спаринг тушиш.
Иккинчи босқич (тест синовлари):
5–6 ҳамда 9–10 синфлар учун психологик тест 15 та, интеллектуал қобилият даражасини аниқлаш бўйича 20 та тест шаклидаги топшириқ (жами 35 та тест топшириқлари учун 50 балл берилади)