Қизлар ўртасида математика ҳамда информатика ва ахборот технологиялари фанларидан саралаш олимпиадасининг ҳудудий босқичи бошланмоқда.
Саралаш олимпиадасида кимлар иштирок эта олади?
Асосий олимпиаданинг иккинчи — туман (шаҳар) босқичида математика ҳамда информатика фанларидан 9-, 10-, 11-синфлар кесимида энг юқори натижа кўрсатган 3 нафаргача ўқувчи-қизлар, агентлик тизимидаги президент ҳамда ижод мактабларидан Ал-Беруний номидаги халқаро мактаб-интернатидан 8-, 11-синфлар кесимида танланган 3 нафаргача ўқувчи-қизлар, Ал-Хоразмий номидаги халқаро математика ва информатика олимпиадасида иштирок этган қизлар, шунингдек, ихтисослаштирилган мактаблар томонидан тавсия этилган 8-синфлар ҳам ўз билимини синаб кўриш имконига эга бўлади.
Олимпиада тартиби қандай?
Математика фанидан иштирокчиларга 5 та турли мураккабликдаги ёзма иш топшириқлари берилади. Бажариш учун 180 дақиқа вақт ажратилади.
Информатика ва ахборот технологиялари фанидан қизлар 5 та масалани онлайн порталда ечадилар. Бунинг учун 120 дақиқа вақт ажратилади.
C++, Python ёки Java дастурлаш тилларидан фойдаланиш тавсия этилади.
Ҳар бир фан йўналиши бўйича энг юқори натижа кўрсатган синфлар кесимида дастлабки 15 нафар қиз халқаро олимпиададаги саралашнинг кейинги босқичида иштирок этиш ҳуқуқини қўлга киритади.
