Наманган шаҳридаги 1- умумтаълим мактабининг 11-синф ўқувчиси Нигина Абдуллаева инглиз тили бўйича халқаро IELTS имтиҳонида 8 баллик натижани қўлга киритди.
У сўнгги икки йил давомида инглиз тилини чуқур ўрганиш, тинглаб тушуниш, сўзлашув кўникмаларини мукаммаллаштириш устида изчил ишлаган.
Ҳозирда Нигина Абдуллаева SAT имтиҳонларига тайёргарлик кўрмоқда.
Аввалроқ, IELTS дан 9.0 баллни қўлга киритган 17 ёшли Нозима Қадамова ҳақида хабар берган эдик ва у билан бўлиб ўтган суҳбатни эътиборингизга ҳавола қилган эдик.
