«Менинг мактабим» лойиҳасининг биринчи мавсуми доирасида лойиҳа киритиш босқичи ўз якунига етди

«Менинг мактабим» лойиҳасининг биринчи мавсуми доирасида лойиҳа киритиш босқичи ўз якунига етди

Хабрингиз бор, «Менинг мактабим» лойиҳасининг 2025/26 ўқув йилидаги биринчи мавсуми доирасида лойиҳа киритиш босқичи бошланган эди.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Иқтисодиёт ва молия вазирлиги хабарига кўра, 22-31 октябрь кунлари мактаб ўқувчиларидан ўз мактабини қўшимча жиҳозлаш бўйича жами 112 272 та лойиҳа келиб тушган.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Бу кўрсаткич билан, «Очиқ буджет» порталида ўтказиб келинаётган ташаббусли буджетлаштириш жараёнларидаги рекорд янгиланди.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Вазирлик, шунингдек, ўқувчиларни лойиҳада қатнашишга рағбатлантириш учун «Энг қизиқарли лойиҳа» танловини ҳам эълон қилган.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Кўплаб ўқувчилар интерактив сенсорли панель, рақамли микроскоп ва спорт жиҳозлари каби таълим билан боғлиқ таклифларни илгари сурган бўлса, айримлар мактаб учун виртуал кўзойнаклар ва робототехника тўплами сотиб олишни таклиф қилган.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠ Мусиқа хонаси учун пианино олиш ёки мактаб ҳудудида катта шахмат майдони қуришни сўраётганлар ҳам бор.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Шу билан бирга, порталда синфхона учун замонавий парта, кийим жавон, сувдон (кулер), жўмрак учун мўлжалланган сув иситкич каби таклифларни ҳам кўриш мумкин.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Барча лойиҳалар 1-10 ноябрь кунлари сараланади, саралашдан ўтганлари 11-20 ноябрь кунлари овоз бериш босқичига ўтказилади.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠ Овоз беришда фақатгина мактаб ўқувчилари ўз мактаби бўйича киритилган таклифларга овоз бера олади.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Шу тариқа, «Менинг мактабим» лойиҳаси ўқувчиларда ташаббускорлик, лидерлик ва жамоа бўлиб ишлаш сифатларини шакллантиради, давлат буджети ҳақидаги тасаввурларини амалий тарзда бойитади.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Энг кўп овоз олган таклифлар рўёби учун ҳар бир мактабга маҳаллий буджетдан 62 млн сўмдан пул ажратилади.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

 ⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠

Жорий мавсумда 112 та тумандаги мактаблар қатнашяпти.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠ Қолган туманлар декабрь ойида бўладиган иккинчи мавсумда иштирок этади.⁠⁠‌‌‌‌‌‌⁠‌‌‌‌⁠‌⁠‌‌‌‌‌‌‌‌⁠‌‌‌‌‌‌‌‌⁠⁠