Тhe New Stack: 11 ёшли ветнамлик дастурчи яратган кодни йирик веб-ўйин компанияси сотиб олди

Ветнамлик 11 ёшли дастурчи Дамир Булдаков Playgamа ўйин платформаси учун қўшимча дастур яратиб, миллионлаб одамлар ундан фойдаланишига ёрдам берди.

Дамир ишлаб чиққан Scratch кенгайтмаси ёш дастурчиларга ўз лойиҳаларини Плайгамаънинг глобал тармоғига улашга имкон беради. Бу кенгайтма ҳозирда расмий Playgamа Bridgе SDК таркибига киритилган ва МIТ лицензияси остида тарқатилмоқда.

Playgama — бу йирик ўйин платформаси ва дастурчилар учун очиқ SDК (Software Development Kit) тақдим этувчи компания.

Ёш дастурчи Дамир Булдаков Тhe New Stack нашрига берган интервьюсида ёш муҳим эмаслиги, аслида муҳим бўлгани бу билим эканлигини таъкидлаган.

«Умид қиламанки, бошқа болалар ҳам ўзлари ҳам қизиқарли нарсалар ярата олишларига ишонишади» — дейди у.

Ҳақиқий муаммоларни ҳал қилиш

Playgama нинг SDК тўплами турли рамка ва воситаларни қўллаб-қувватлайди. Бироқ МIТ нинг машҳур дастурлаш тили — Scratch учун қўллаб-қувватлаш ҳали киритилмаган эди.

«Plagin дастлаб Дамир томонидан ишлаб чиқилган бўлиб, у асосий функцияларини яратди,» — деди Playgama матбуот котиби. «Ҳозир эса бу плагин бизнинг жамоамиз томонидан қўллаб-қувватланиб, МIТ лицензияси остида эълон қилинган Playgama Bridge SDK нинг бир қисми сифатида тарқатилмоқда.»

Маълум қилинишича, унинг коди — жами 931 қатордан иборат.

МIТ ҳисоб-китобларига кўра,Scratch дан ҳар йили 20 миллиондан ортиқ дастурчи фойдаланади. Плайгама асосчиси Дмитрий Качмар Дамирнинг ишини чин дилдан қадрлаб шундай дейди:

«Унинг иши туфайли Scratch да код ёзаётган талабалар ва янги бошловчилар ҳам ўз лойиҳаларини Playgama га улаб, глобал тармоғимизга чиқиш имкониятига эга бўлдилар. Мен SDК кенгайтмасини JavaScript ёрдамида яратдим,» — дейди Дамир Булдаков.

У Playgama Wiki даги ҳужжатлардан фойдаланган бўлиб, шунингдек, SoloLearn, YouTube дарслари, Stack Overflow ва бошқа форумлардан ўрганган. Асосий билимларни мустаҳкамлаш учун бир неча ой кетган, кейин эса мунтазам машқ орқали ўзини ривожлантирганини билдирган.

Бундан ташқари, у интернетдаги форумлар, дастурчилар гуруҳлари ва чатларда маслаҳат олиб, ҳатто JavaScript ва бошқа тилларда дастурлашни ўрганган тенгдошлари билан танишган.

«Катталар тушунишлари керакки, биз шунчаки ʼкомпьютерда ўйнаб ўтирганимизʼ йўқ. Биз аслида ўрганаяпмиз ва ҳақиқий муаммоларни ҳал қиляпмиз,» — дейди Дамир.

Дамирнинг айтишича, энг мураккаб босқич SDK ни бошланғич созлаш бўлган.

«Аввал қийин бўлди. Лекин СолоЛеарн орқали машқ қилиб, уни тўғри созлашни ўргандим. Шундан кейин реклама қўшиш ёки прогрессни сақлаш каби функцияларни яратиш анча осонлашди.»

Натижада Дамирнинг ҳиссаси Плайгама жамоаси учун айнан керак бўлган янгилик бўлган.

Ўйин ишлаб чиқишга муҳим ҳисса

Качмар The News Stack га берган интервьюсида Дамирнинг ишидан мамнунлигини билдирган:

«Бу менга ўзимнинг дастурчилик фаолиятимни бошлаган ёшимни эслатди.

 

Мен 11 ёшли бола буни қила олганига ажабланмадим, чунки ўзим ҳам шундай йўлни босиб ўтганман. Аксинча, унинг ишини Playgama га олиб кириш ва дастурчиликдаги илк қадамларида Дамирни қўллаб-қувватлаш истагини ҳис қилдим.»

 

Унинг фикрича, Дамир яратган нарса — бу оддий ён лойиҳа эмас, балки ҳақиқий маҳсулотга айланган муҳим интеграция.

Playgama Дамирнинг ҳиссасини қадрлаш учун унга менторлик дастури ва молиявий мукофот тақдим этди.

«Бундай эътироф янада катта мотивация беради,» — деди Качмар. «Бизнинг жамоамиз Дамирга доим ёрдам беришга тайёр.»

Дамирнинг онаси ҳам бу қўллаб-қувватлаш ўғлининг ўзига бўлган ишончини мустаҳкамлаб, уни янада рағбатлантирганини айтди:

«Энди у қилаётган ишлари нафақат қизиқарли, балки фойдали ва мазмунли эканини ҳис қилмоқда.»

Ота-она ва жамоа қўллаб-қувватлашининг аҳамияти

Дамирнинг ота-онаси ундан хурсандлиги ва фахрланишини билдирган. Ота-онасининг айтишича, Дамирни бошланғич синфлигида робототехника курсига ёздирган, кейинчалик Scratch курсига ва ёзги дастурлаш курсига юборган.

«Онаси сифатида мен ҳар доим ўғлимнинг қизиқишларини қўллаб-қувватлашга ҳаракат қилдим.

 

Мен дастурлашни тушунмасам ҳам, унинг кўзлари ёниб ишлаётганини кўришдан хурсандман ва у муваффақият қозонганида ундан ҳам кўпроқ қувонаман,» — дейди у.

3-синфда эса Дамир дастурлаш бўйича катта китоб олиб беришни сўраган, ўтган йили эса онаси унга SoloLearn иловасига обуна олиб берган.

«Бизни қўллаб-қувватлаш, курслар ёки обуналар олиб бериш, мураккаб мавзуларни тушунтириш жуда ёрдам беради. Бу инсонда ҳақиқатан ҳам бирор нарсани яратиш мумкинлигига ишонч уйғотади,» — дейди Дамир.

Ёш дастурчининг орзулари

Дамирнинг кейинги режаси қандай?

«Ҳозир мен беш кишилик кичик жамоа билан Dash (DashBlocks) номли Scratch/TurboWarp модификацияси устида ишлаяпман. У янги ранглар, блоклар ва кенгайтмаларни қўшади,» — дейди у.

Дамир бу ҳамкорликни «жуда мароқли» деб атайди. Яқинда у Playgamа дастурчилари билан ҳам ҳамкорлик қилиши мумкин.

Профессионал дастурчи бўлишни хоҳлайсизми?

«Ҳа. Орзуим — ҳаммага фойдали бўладиган, барча хизматларни бирлаштирган кўп функцияли илова яратиш. Шунингдек, ривожланган дастурлаш тиллари ва ўйин двигателларини ўрганишни, университетда таълим олишни ва балки келажакда ўз компаниямни очишни хоҳлайман,» — дейди у.