Президентимиз Шавкат Мирзиёев Ўқитувчи ва мураббийлар куни арафасида соҳа ходимлари билан ўтказилган мулоқотда Ромитан туманидаги 38-мактабнинг инглиз тили фани ўқитувчиси Биллура Икромова бошлаган эзгу ишни алоҳида эътироф этди:
Бугунги тадбиримизда ўзи ёш бўлишига қарамасдан, юзлаб ўғил-қизларимизни юқори марраларга етаклаётган когонлик қизимиз Биллура Икрамова ҳам қатнашяпти.
Биллура қизимиз топ-200 таликка кирадиган Буюк Британиянинг Reding олийгоҳини битириб, катта-катта идоралардан бўлган таклифларни рад этиб, Ромитаннинг энг чекка қишлоғидаги мактабда инглиз тилидан дарс бермоқда.
Биллура TESOL, ESOL va IELTS (C1) каби нуфузли халқаро сертификатлар соҳиби, қишлоқ қизлари учун менторлик лойиҳаси ташаббускори ҳисобланади.
Унинг ташаббуси билан йирик грантлар учун лойиҳалар тайёрланиб, юзлаб ёшлар хорижда таълим олиш ва ижтимоий дастурларда иштирок этиш имкониятига эга бўлди.
Бугун бу фидойи муаллимага юксак ишонч рамзи ва меҳнатларининг эътирофи сифатида Президент совғаси – BYD CHAZOR автомобили тантанали тарзда топширилди.
– Мамалакатимизда ўқитувчилар учун яратилаётган имкониятлар туфайли менинг юксак орзуларим рўёбга чиқди ва мен бугун бор салоҳиятим ва куч-ғайратимни Она Ватаним равнақи, тараққиётига сафарбар этишга бел боғлаганман, — дейди Биллура.
