Тоифа олиш учун юборилган барча мурожаатлар (шу жумладан, таҳрирланиб қайтадан юборилган мурожаатлар) тест синовлари бошлангунига қадар — яъни, 25-30 кун ичида — кўриб чиқилади. Ўрганиш натижалари ҳақида тегишли хабарлар педагогларнинг шахсий кабинетларига юборилади.
Мурожаат ҳолатини кузатиб бориш учун ариза топширган шахс шахсий кабинетига вақти-вақти билан кириб туриши лозим. Шунингдек, «Сўровнома» ни юклаб олиб, ундаги маълумотларни текшириши зарур. Агар маълумотларда хатолик аниқланса, педагоглар вилоятлардаги Ишчи гуруҳларга мурожаат қилишлари керак.
Шахсий кабинетда мурожаат ҳолати қуйидаги ёзувлардан бири билан бўлади:
Янги (ёки яратилган шу ҳолатда Сиз ўзингиз аниқлаган ноаниқликларни ўзгартиришингиз, маълумотларни таҳрирлашингиз мумкин)
Жараёнда (Кўриб чиқилмоқда ишчи гуруҳ томонидан ўрганиш бошланган, бу ҳолатда маълумотларга ўзгартириш киритиб бўлмайди)
Қабул қилинган (Сизга аттестацияда иштирок этишга рухсат берилган)
Рад қилинган ( таҳрирлашга қайтарилган — бу ҳолатда тўғрилаш мумкин бўлган камчиликларни тўғрилаб, тезда мурожаатингизни қайтадан юборишинга ҳаракат қилиб кўринг)
