Сирдарё вилояти ҳокими Эркинжон Турдимов 27 августда бўлиб ўтган тўртинчи устозлар миллий форумида мажбурий меҳнатга чиқадиган ўқитувчилар ҳам ишдан олиниши кераклигини айтди.
«Мажбурий меҳнат мутлақо мумкин эмас. Ўқитувчиларга фурсатдан фойдаланиб бир нарсани айтмоқчиманки, биронта мактабда агар мажбурий меҳнат бўладиган бўлса, автоматик тарзда директор олиниши керак. Шу мажбурий меҳнатга чиққан одамни ҳам ишдан олиш керак. Чунки уни мажбурлаб чиқарган бўлса, ҳеч қанақа ҳуқуқи йўқ бўлса, чаласавод бўлса, кўрмулла бўладиган бўлсаю, уни чиқ деса, чиқиб кетаверса, у қанақа ўқитувчи бўлади? Шунинг учун ҳар битта ҳолатга жиддий эътибор қаратиш керак», — дейди вилоят ҳокими.
Шунинг, вилоят ҳокими ўқитувчиларга юклатиладиган мажбурий обуна масаласига ҳам тўхтатлиб ўтган.
«Иккинчису бу — мени қийнайдиган обуна масаласи. Бирорта ўқитувчи обуна бўладиган бўлса, ўша мактаб директорини ишдан оламан. Ўша пайтида ишдан оламан. Обуна бўладиган бўлсангиз, ўзингиз обуна бўлинг, битта газетага. Ана замдиректорингиз бор, тўрттами-бештадан. Ана завхозингиз бор. Ўқитувчига тегинманг», — деган вилоят ҳокими Эркинжон Турдимов.
