Савол: Мен иккинчи тоифа тестларида иштирок этиш учун 2 август куни мурожаат юбордим. Ўша куни тўлов ҳам қилдим. Тўлов қабул қилинганлиги тўғрисида квитанцияда «ТЎЛАНДИ» деган ёзув чиқди. Лекин, ҳозиргача қабул ёки рад қилинганлиги тўғрсида СМС хабар келмади. Шахсий кабинетимга кириб, мурожаат ҳолатини текшириб кўрсам -ЖАРАЁНДА- деган ёзув турибди? Шу тўғрими?, йўқми била олмаяпман?
Жавоб: Юборилган барча мурожаатлар (шу жумладан, хатолари таҳрирланиб қайтадан юборилган мурожаатлар ҳам) тоифа тестлари бошлангунга қадар (25-30 кун ичида) кўриб чиқилади ва ўрганиш натижалари тўғрисида шахсий кабинетларга хабарлар юборилади.
Талабгорлар вақти-вақти билан Шахсий кабинетларига кириб мурожаат ҳолати билан танишиб туришлари ёки шахсий кабинетдан Сўровномани юклаб олиб, ўз маълумотларини текшириб кўришлари мумкин.
Шахсий кабинетда мурожаат ҳолати ҳақида қуйидаги ёзувлардан бири бўлади:
Янги – (ёки яратилган шу ҳолатда Сиз ўзингиз аниқлаган ноаниқликларни ўзгартиришингиз, маълумотларни таҳрирлашингиз мумкин);
Жараёнда – (Кўриб чиқилмоқда ишчи гуруҳ томонидан ўрганиш бошланган, бу ҳолатда маълумотларга ўзгартириш киритиб бўлмайди);
Қабул қилинган – (Сизга аттестацияда иштирок этишга рухсат берилган);
Рад қилинган – (таҳрирлашга қайтарилган – бу ҳолатда тўғрилаш мумкин бўлган камчиликларни тўғрилаб, тезда мурожаатингизни қайтадан юборишинга ҳаракат қилиб кўринг).
Навбатдан ташқари аттестация учун тўлиқ тўлов қилинмаса, мурожаатлар электрон базада кўринмайди ва ўрганиб чиқилмайди.
Муҳим эслатма: Мурожаатлари қабул қилинган барча педагоглар ҳам Шахсий кабинетларидан СЎРОВНОМАни юклаб олиб, ундаги маълумотлар (ФИШ, иш жойи, амалдаги тоифаси, аттестация тури, аттестациядан ўтаётган фани (лавозими)) тўғри ёки нотўғри эканлигини текшириб кўришлари шарт. Маълумотларда ноаниқлик аниқланган тақдирда зудлик вилоятдаги ИШЧИ ГУРУҲларига мурожаат қилишлари керак бўлади.
