Жорий йилда супер-контрактлар учун нархлар арзонлашиши кутилмоқда.
Президент раислигидаги видеоселекторда ректорларга «супер-контракт» суммасини табақалашган ҳолда белгилаш ваколати ҳам берилиши айтилганди. Бу айнан қанақа бўлиши ҳозирча маълум эмас, лекин катта эҳтимол билан, 4 баллгача бўлган шкала доираси кенгайтирилса керак.
Яъни, масалан, 10 балл етмай қолганга янада арзонроқ, 60 балл етмаганга қимматроқ ва ҳ.к. Ҳозирги тартибда 4 баллдан кўп етмай қолса, ҳаммага бир хил сумма белгиланган. 5 балл етмаган билан 50 балл етмаган бир хил тўлайди.
Хуллас, жорий йилда супер-контракт учун ўзгаришлар кўп бўлиши кутилмоқда. Масалан, ҳозиргина айтилган хабарга кўра, ТерДУда супер контракт тўловларини 30–40% гача камайтириш, уни 2 йил давомида бўлиб тўлаш имконияти кўриб чиқилмоқда.
