Ҳар йили ҳар бир вилоятдан 150 нафар талаба қизнинг ўқиши учун давлат ҳокимликлари томонидан контракт пули тўлаб берилади.
Бу ташаббус ижтимоий ҳимояга муҳтож, етим ёки ота-она қарамоғидан маҳрум бўлган ҳамда ёлғиз оналар қизларига катта ёрдам бўлиб хизмат қилмоқда.
Ушбу имтиёз қуйидагича тақсимланади:
– 40 та ўрин — биринчи курс талабалари учун;
– 100 та ўрин — 2-курс ва ундан юқори босқич талаба қизлари учун.
Кимлар ушбу имтиёздан фойдаланиши мумкин?
Асосий тоифалар:
– Кам таъминланган оилаларнинг қизлари («Ижтимоий ҳимоя ягона реестри» бўйича);
– етим ёки ота-она қарамоғидан маҳрум бўлган талаба қизлар;
– вояга етмаган фарзандларини ёлғиз тарбиялаётган, боқувчисини йўқотган (бева) аёллар қизлари.
Қайси ҳолларда контракт тўлаб берилмайди?
Иккинчи мутахассислик бўйича ўқиётган ва Ўзбекистондаги хорижий ёки хусусий олий ўқув юртларида таҳсил олаётган қизларга контракт тўлаб берилмайди.
Ҳокимликлар томонидан тақдим этилаётган ушбу имтиёз ижтимоий ҳимояга муҳтож талаба қизларнинг таълим олишида катта қўллаб-қувватловчи кучдир.
Талабгорлар белгиланган мезонларга мос келган ҳолда ариза топшириб, контракт тўловини давлат ҳисобидан қоплатиш имкониятига эга бўладилар.
