Биринчи ва иккинчи йўналишга балли етмади, лекин учинчи йўналишга ўқишга кирди. Абитуриент учинчи йўналишда ўқишни истамай, биринчи ёки иккинчи йўналишда супер-контрактда ўқий оладими?
Ҳар йили супер контракт ва унинг тартиби Қабул комессияси томонидан белгиланади. Аммо, ҳозирча жорий ўқув йили учун тартиб белгиланмаган.
Ўтган йили абитуриент ўзи танлаган биринчи йўналишга кира олмаган, лекин 2, 3, 4 ёки 5-йўналишлардан бирига ўқишга кирган бўлса, унда истисно тариқасида фақат биринчи танлаган йўналишида супер-контрактда ўқишига рухсат берилган эди. Бу истисно 2, 3 ёки 4-йўналишга тааллуқли эмас. Яъни 3-га кирган бўлса, 2-йўналишда супер-контрактда ўқий олмасди, фақат биринчига рухсат берилганди.
Шунингдек, агар абитуриент бешала йўналишга ҳам кира олмаган бўлса, унда исталган йўналишда супер-контрактда ўқишни танлашига рухсат берилган.
Жорий йилги тартиб тасдиқланса, қўшимча хабар берилади.
