Ўтган йиллари Ички ишлар органлари ходимлари фарзанди учун ажратилган қўшимча квоталар олийгоҳлар кесимида тасдиқланар эди. Натижада қайсидир олийгоҳда ўтиш балли жуда юқори, қайсидир бирида паст бўлишига сабаб бўлган. Жорий йилда умумий квота эълон қилинди.
Жорий йилда Ички ишлар органлари ходимларининг фарзандлари учун жами 1 775 та қўшимча давлат гранти ажратилди. Шунда, ушбу имтиёзга эга бўлган абитуриентларда (қайси йўналишни танлаганининг фарқи йўқ) энг юқори натижани қайд этган 1775 нафар абитуриент ушбу квота доирасида давлат гранти асосида ўқишга қабул қилинади.
Масалан, республика бўйлаб умумий ҳисобда 5000 нафар абитуриентда Ички ишлар органлари ходимларининг фарзандларига бериладиган имтиёз мавжуд бўлса, шуларнинг орасидан энг ёқури натижага эга бўлган 1775 нафар абитуриент сараланади ва ўқишга қабул қилинади. Қолган абитуриентларнинг натижалари эса умумий квотада кўриб чиқилади.
Эслатма! Агар ушбу имтиёз орқали ўқишга қабул қилинган абитуриентларнинг 500 нафари ёки 1000 нафари ҳам бир хил йўналишга топширган тақдирда ҳам, улар ўша йўналишга ўқишга қабул қилинади ва ўқиши мумкин.
Муҳим! Мазкур имтиёзли квота фақат биринчи йўналиш учун амал қилади. Иккинчи, учинчи ва ҳ.к. йўналишларга тааллуқли эмас. Лекин улар ҳам бешта йўналиш танлай олишади, фақат имтиёзли квотага кира олмай қолганда, ўз бали билан эл қатори умумий квотада курашади.
ИИО ходимлари фарзандларига балл қўшиб бериладими?
Йўқ, ҳеч қанақа балл қўшиб берилмайди. Улар ўзлари тўплаган балл билан беллашади. Ушбу имтиёздан фойдаланиш учун абитуриент камида 68 балл тўплаган бўлиши керак. 68 дан камроқ балл олганларга мазкур имтиёз қўлланмайди, тавсияномаси куяди.
