Жорий йилда ўқишга топшираётганлар танлаган йўналиш ҳамда университетларини 8 августгача қуйидаги тартибда ўзгартиришлари мумкин.
Биринчидан – сизни my.uzbmb.uz платформасидаги ўз саҳифангизда киришингиз керак. Ундан кейин биринчи ойнадаги “Олий таълим муассасаларига қабул 2025-2026-ўқув йили учун) – Хизматдан фойдаланиш” деган ёзув устига босишингиз керак.
Ундан кейин сизда 5 та олийгоҳни танлаш учун янги ойна пайдо бўлади. Бу ердаги биринчи бандда сизда қайтадан “Танлов учун устуворлик” ва “Мақсадли таловларга розилик” бандларини белгилашингиз керак.
Ҳар бир бандни белгилаган вақтингиз сизга ушбу банднинг мазмуни ҳақида маълумотнома чиқади. Ушбу ойнада сиз берилган маълумот билан танишиб чиққандан сўнг “Тасдиқлаш” тугмасини босишингиз керак. Ундан сўнг сизда университетларни танлаш учун ойна чиқади. Ушбу ойнада сиз таълим шакли, университет ва йўналишингизни танлашингиз мумкин. Танловни эса белгиламоқчи бўлган маълумотингиз учун ажратилган қаторни устига босиб чиққан танловлардан бирини белгилашингиз мумкин.
Бешта танловни танлаб бўлганингиздан сўнг сизда қуйидаги ойна чиқади. Сиз бу ойнада киритган маълумотларингиз текшириб, “Сақлаш” тугмасини босасиз.
Ундан кейин сизга SMS хабарнома орқали код келади ва уни киритишингиз керак бўлади. Кодни киритганингиздан кейин саҳифангизда қуйидагича ойна ҳосил бўлади.
Бу ерда сиз барча танловларингиз текшириб олишингиз мумкин.
Агарда сиз яна танловларингиз ёки йўналиш, таълим шаклларидан бирини ўзгартирмоқчи бўлсангиз худди шу тартибда қайтадан 5 та олийгоҳни ва йўналишларни танлаб амалга оширишингиз керак бўлади.
