2025-йил бошидан бери сунъий интеллект (SI)нинг тезкор жорий этилиши сабабли йирик технологик компаниялар 94 мингдан ортиқ IT-мутахассисни ишдан бўшатди.
Энг кўп зарар кўрган мутахассислар — дастурчилар, HR-мутахассислар, техник қўллаб-қувватлаш ходимлари, контент яратувчилари ва менежерлар ҳисобланади. Автоматлаштириш туфайли бу лавозимлар кераксиз деб топилмоқда.
Мисол учун, Microsoft йил давомида 15 минг кишини ишдан бўшатди. Компаниянинг баъзи функцияларни GitHub Copilot орқали автоматлаштирган. Amazon ўз ходимларини қисқартириш ҳақида олдиндан огоҳлантирган, Google эса Smart TV бўлимидаги ходимларнинг 25 фоизини ишдан бўшатган. Meta, Salesforce ва бошқа компаниялар ҳам ўз фаолиятларини SI лойиҳаларига йўналтириб, ходимлар сонини камайтирмоқда.
Microsoft раҳбари Сатя Наделла компания «SI тўлқинининг етакчисига айланиш»ни мақсад қилганини айтган. Meta раҳбари Марк Сукерберг эса 2025-йилни компания учун «сунъий интеллект ва янги ҳисоблаш платформаларига ўтиш йили» деб атаган. Amazon бош директори Энди Джесси эса «SI пайдо бўлиши билан одамларнинг роли қисқаришини» очиқ тан олган.
