Инглиз, немис, ҳиндий ва турк тилларидан чет тилини билиш даражасини аниқлаш тест синовлари учун рўйхатга олиш эртага, 26 апрелга қадар давом этади. Тўловлар 27 апрелгача амалга оширилиши лозим.
Инглиз, немис ва ҳиндий тилларидан тест синовлари 10-11 май кунлари ўтказилса, турк тилидан синовлар 17-18 май кунлари бўлиб ўтади.
Тест синови учун талабгорлар my.gov.uz сайти орқали онлайн тарзда рўйхатга олинади.
Рўйхатдан ўтишда талабгорлар ўзларига қулай бўлган ҳудудни танлаган ҳолда мазкур ҳудудда тест синовларида иштирок этишлари мумкин.
Таъкидлаш жоизки, Билим ва малакаларни баҳолаш агентлиги томонидан эълон қилинган 2025 йил 1-ярим йиллик режасига кўра, бу — давлат олий таълим муассасаларига кириш имтиҳонигача ўтказиладиган сўнгги чет тили имтиҳонидир.
