Хитой пойтахти Пекин шаҳрида ўқувчилар, жумладан, бошланғич синф ўқувчилари учун ҳам сунъий интеллект таълимини мажбурий қилинмоқда. Бу ҳақда businessinsider.com нашри маълум қилди.
Хабарда айтилишича, бошланғич синфдан ўрта мактабгача ўқувчилар учун сунъий интеллект таълими мажбурий бўлади. Бу ҳаракат Хитой сунъий интеллект пойгасида олдинда бораётгани сабабли амалга оширилмоқда.
Пекин шаҳар таълим комиссияси жума куни берган баёнотига кўра, жорий йилнинг кузидан бошлаб шаҳар мактаблари бир ўқув йилида камида 8 соат сунъий интеллектни ўқитиши керак.
Шунингдек, мактаблар сунъий интеллектни мустақил курс сифатида ўқитиши ёки уни фан ва ахборот технологиялари каби мавжуд курсларга қўшиши мумкин.
Янги режага кўра, одатда олти ёшдан 12 ёшгача бўлган бошланғич синф ўқувчилари сунъий интеллектни тушунишни бошлаш учун амалий курслардан ўтади. Ўрта мактаб ўқувчилари сунъий интеллектни мактаб ишлари ва кундалик ҳаётда қандай қўллашни ўрганади. Юқори синф ўқувчилари эса сунъий интеллект иловасини кучайтиришга эътибор қаратади.
