23 декабрь куни бошланган рўйхатга олиш жараёнлари 29 декабрь куни якунланади. Тўловлар эса 30 декабргача амалга оширилиши мумкин.
Тест синовлари кимё фани бўйича 25 январь, биология фани бўйича 26 январь куни ўтказилади. Умумтаълим фанларини билиш даражасини аниқлаш тест синовлари январь, февраль, март, апрель ва май ойларида ўтказилади.
Тест синови учун талабгорлар my.gov.uz сайти орқали онлайн тарзда рўйхатга олинади. Рўйхатдан ўтишда талабгорлар ўзларига қулай бўлган ҳудудни танлаган ҳолда мазкур ҳудудда тест синовларида иштирок этишлари мумкин.
Миллий сертификат имтиҳонларида иштирок этиш учун талабгорларни рўйхатга олиш my.gov.uz сайти (Ягона интерактив давлат хизматлари портали) орқали амалга оширилади.
