Sun’iy intellekt talabalar uchun faqatgina o‘qishdagi sherik yoki talab bo‘yicha repetitorni taqlid qilish, yoxud yozma ishlarini tahrirlashda yordam olish uchungina emas, balki sinf bilan bevosita ishlamaydigan, ammo o‘qituvchining o‘ziga xos yordamchisi sifatida ham qo‘l keladigan vositadir.
Turli xil sun’iy intellekt vositalari yordamida siz dars rejalarini tayyorlashdan tortib, ajoyib o‘quv dasturlarini yaratishgacha yoki uch soatlik zerikarli mashg‘ulotni interaktiv seminarga aylantirishgacha bo‘lgan yo‘lni bosib o‘tishingiz mumkin.
Sun’iy intellekt texnologiyalaridan to‘g‘ri foydalanish sizning dars berish usullaringizni tubdan o‘zgartirishi va talabalar uchun ta’lim tajribasini sezilarli darajada boyitishi ehtimoldan holi emas.
O‘qituvchilar uchun eng yaxshi sun’iy intellekt vositalari
1. MagicSchool AI (Sun’iy intellektli Sehrli maktab)
MagicSchool — bu o‘qituvchilarga vaqtni tejash, yaxshiroq natijalarga erishish va mas’uliyatli sun’iy intellektdan to‘liq foydalanish imkonini beruvchi markaz.
Bitta obuna orqali siz 60 dan ortiq sun’iy intellekt vositalariga ega bo‘lasiz. Ulardan individual ta’lim rejalarini tuzish, darslarni rejalashtirish va o‘zingiz dars berayotgan sinf uchun ajoyib g‘oyalar ishlab chiqishda foydalanish mumkin.
2. Undetectable AI (Aniqlanmaydigan sun’iy intellekt)
Sun’iy intellekt bugungi kunda o‘rta maktablar va oliy ta’lim muassasalarida, hatto boshlang‘ich ta’limda ham keng tarqalgan.
Talabalar o‘qituvchilar sun’iy intellekt tomonidan yaratilgan kontentni kuzatayotganini bilishadi va tobora ko‘proq plagiatdan xavotir ola boshlashmoqda. Shu sababli Undetectable AI — talabalar topshirgan ishlarning asl va halol ekanligini tekshirish uchun universal yechim hisoblanadi.
‘‘Undetectable AI’’ ikki yo‘nalishda ishlaydi:
-
sun’iy intellekt tomonidan yaratilgan kontentni aniqlaydi;
-
kiritilgan matnni “inson tiliga” o‘giradi.
Foydalanish uchun matnni nusxalab joylashtiring, o‘qish qulayligi va maqsadni tanlang hamda “AI’ni tekshirish” yoki “Humanize” tugmasini bosing.
Platforma matnni asosiy sun’iy intellekt detektorlari orqali tekshiradi va yuqori aniqlik bilan aniqlaydi. Keyin talabalar “Humanize” funksiyasi orqali qayta yozilgan namunadan foydalanishlari mumkin.
Bu vosita Grammarly kabi to‘liq tahrirlash platformasi emas, uning asosiy maqsadi — talabalarning sun’iy intellektdan mas’uliyat bilan foydalanishini ta’minlashdir.
3. Otter.ai
Hamkasblaringiz bilan hamkorlik qilasizmi yoki onlayn kurs o‘tasizmi — Otter.ai ushbu onlayn sessiyalardan maksimal foyda olishga yordam beradi. U siz uchun avtomatik tarzda qisqa mazmun, stenogrammalar va bajarilishi kerak bo‘lgan vazifalar ro‘yxatini tuzadi.
Otter.ai’ning OtterPilot xizmati Google Meet, Microsoft Teams va Zoom platformalaridagi uchrashuvlarga avtomatik ulanadi hamda real vaqt rejimida qaydlar, slaydlarni yozib olish va subtitrlar taqdim etadi.
Bu hech kim muhim ma’lumotni o‘tkazib yubormasligini ta’minlaydi va ta’lim jarayonini yanada inklyuziv va samarali qiladi.
4. Canva Classroom Magic
Canva o‘qituvchilar uchun eng yaqin yordamchilardan biridir. U vizual jihatdan qiziqarli slaydlar, infografikalar va boshqa o‘quv materiallarini yaratish uchun ideal vosita hisoblanadi.
2025-yil oktyabr oyida Canva ‘‘Classroom Magic’’ dasturini ishga tushirdi. Ushbu dastur sinfda foydalanish uchun sun’iy intellektga asoslangan vositalarni taklif etadi va materiallarni tezda yozish, animatsiya qilish, dizayn yaratish hamda qayta moslashtirish imkonini beradi.
Uning interfeysi juda sodda bo‘lib, ‘‘drag-and-drop’’ formatida ishlaydi. O‘qituvchilar Magic Write, Magic Animate, Magic Grab kabi vositalardan foydalanib, zerikarli materiallarni qiziqarli darslarga aylantirishlari mumkin.
Shuningdek, Canva ‘‘The New York Times’’ va NASA kabi tashkilotlar bilan hamkorlik qilib, 5 000 dan ortiq tayyor dars resurslarini taqdim etadi.
5. Grammarly
Grammarly — faqat imlo xatolarini topuvchi oddiy vosita emas. U yozma ishlarni aniqlik, mantiqiylik va uslub jihatidan yaxshilash uchun sun’iy intellekt funksiyalariga ega.
Platforma fikr bildirish, miya hujumi, matnni takomillashtirish va to‘g‘ri formatlangan sitatalar yaratishda yordam beradi.
6. SlidesAI.io
SlidesAI — Google Slides uchun kengaytma bo‘lib, professional slaydlarni bir necha bosishda yaratish imkonini beradi.
Matn yoki mavzuni kiriting — tizim avtomatik tarzda prezentatsiya yaratadi. Keyin siz dizaynni o‘zingiz xohlagancha tahrirlashingiz mumkin.
7. Quizizz
Quizizz sun’iy intellekt yordamida interaktiv viktorinalar yaratadi, gamifikatsiya elementlarini qo‘llaydi va batafsil statistik hisobotlarni taqdim etadi.
8. Education Copilot
Education Copilot — dars rejalashtirishni avtomatlashtiruvchi sun’iy intellekt vositasi bo‘lib, har qanday fan va daraja uchun dars rejalarini tezda yaratadi.
9. ChatGPT
ChatGPT — bu g‘oyalar generatori sifatida ishlatiladigan universal sun’iy intellekt vositasi bo‘lib, o‘qituvchilarga turli vaziyatlarda yordam beradi.
10. PowerPoint Speaker Coach
PowerPoint’ning bu vositasi nutq tezligi, ohang va ifodalarni tahlil qilib, taqdimot sifatini yaxshilash bo‘yicha tavsiyalar beradi.
11. Design.com
Design.com yordamida o‘qituvchilar professional plakatlar, slaydlar, videolar va ko‘rgazmali materiallarni tezda yaratishlari mumkin.
12. BrandCrowd
BrandCrowd — plakatlar, sertifikatlar, logotiplar va ijtimoiy tarmoq grafikalarini yaratish uchun qulay platforma.
Sun’iy intellekt o‘qituvchilarga sinfda qanday yordam beradi?
-
O‘quvchilarni jalb etadi;
-
Individual yondashuvni ta’minlaydi;
-
Qog‘ozbozlikni kamaytiradi;
-
Aqlli dars rejalari tuzishga yordam beradi.
Bu vositalar vaqtni tejaydi va ta’lim samaradorligini oshiradi. Sun’iy intellekt ta’limda ayrim hollarda salbiy baholangan bo‘lsa-da, undan mas’uliyat bilan foydalanish ham mumkin.
