Aytishlaricha, Sergeli tumani sobiq hokimi Shukurov Elbek Habibullayevich — Oliy taʼlim, fan va innovatsiyalar vaziri oʻrinbosari lavozimiga tayinlandi.
Elbek Habibullayevich Shukurov — 1988-yil 18-martda Toshkent shahrida tugʻilgan. 2009-yil Toshkent agrar universitetini bakalavriat bosqichini tamomlagan. Byudjet va iqtisodiy islohotlar qo‘mitasining aʼzosi.
Ilk faoliyatini 2005-yilda Kamolot yoshlar ijtimoiy harakatida boshlagan. 2013—2015-yillarda «Kamolot» yoshlar ijtimoiy harakati Toshkent shahar Kengashi raisi lavozimida ishlagan. Oliy Majlis Qonunchilik palatasi deputati hamda O‘zbekiston Liberal demokratik partiyasi raisining yoshlar masalalari bo‘yicha o‘rinbosari boʻlgan. 2017-yilning iyulidan 2018-yil avgustgacha Yoshlar ittifoqining Toshkent kengashini boshqargan. Toshkent hokimining yoshlar masalalari bo‘yicha maslahatchisi bo‘lgan. 2018—2020-yillarda Toshkent shahar hokimining ijtimoiy rivojlantirish, yoshlar siyosati va maʼnaviy-maʼrifiy ishlar bo‘yicha o‘rinbosari, 2020-yilda O‘zbekiston Jismoniy tarbiya va sport vazirining o‘rinbosari boʻlgan.
2020-yil 25-avgustdan to hozirgi kungacha Sergeli tuman hokimi sifatida faoliyat yuritgan.
