Matematika, fizika, tarix va geografiya fanlari bo‘yicha milliy sertifikat imtihoni uchun talabgorlarni ro‘yxatga olish boshlandi. Ro‘yxatga olish jarayonlari 29-sentyabrga qadar davom etadi.
To‘lovlar esa 30-sentyabrgacha amalga oshirilishi mumkin.
Ushbu fanlar bo‘yicha test sinovlari 12-13-oktyabr kunlari o‘tkaziladi. Milliy sertifikat imtihonlarida ishtirok etish uchun talabgorlarni ro‘yxatga olish my.gov.uz sayti (Yagona interaktiv davlat xizmatlari portali) orqali amalga oshiriladi.
Test sinovlari qaysi fanlardan o‘tkazilishi, ro‘yxatga olish muddatlari va test sinovi o‘tkaziladigan sanalar bilan yuqoridagi rasmda tanishish mumkin.
Eslatma! Vazirlar Mahkamasining 2024-yil 10-yanvardagi 17-son qaroriga muvofiq, 2024-yil fevraldan boshlab umumta’lim fanlaridan milliy sertifikat imtihonlarining natijalari Rash modeli asosida hisoblanadi.
