«Хорижий тилларни ўқитиш бўйича энг яхши мактаб» танловига старт берилди

Президентнинг соврини учун «Хорижий тилларни ўқитиш бўйича энг яхши мактаб» танловига старт берилди.

Танловда иштирок этиш учун вазирлик тизимидаги умумтаълим мактаблари 2026 йил 12 февралга қадар ooo.uzedu.uz  платформаси орқали рўйхатдан ўтишлари ва асосий кўрсаткичлар бўйича маълумотларни тўлдиришлари талаб этилади.

Хорижий тилларга ихтисослашган мактаб ва синф ўқувчилари танловда иштирок этмайди.

Танлов ғолиблари биринчи (туман/шаҳар) босқичда:

– 1-ўрин учун – 100 млн сўм;

– 2-ўрин учун – 75 млн сўм;

– 3-ўрин учун – 50 млн сўм пул мукофотлари билан тақдирланадилар.

Ушбу маблағ 2-босқичда 250 млн, 3-босқичда 500 млн сўмгача кўтарилади. (Республика босқичи ғолиби учун умумий — 850 млн сўм )

Ўтган ўқув йилларида танловда энг яхши натижа қайд этган 280 нафар ўқувчи ва уларнинг 56 нафар устозлари Буюк Британия, Германия ва Франция давлатларига таълим саёҳатига юборилган.