Тошкент шаҳар Сергели туманидаги 317-сонли мактабнинг 8-синф ўқувчиси Равшанова Дилноза халқаро таълим мезонлари бўйича юқори кўрсаткични қайд этди.
Хусусан, у халқаро миқёсда тан олинган инглиз тили билим даражасини баҳоловчи IELTS имтиҳонидан C1 даражани қўлга киритди.
Имтиҳон қисмларига мос равишда натижалар қуйидагича:
— Listening 8.5;
— Reading 8.0;
— Writing 7.0;
— Speaking 7.0.
Аввалроқ, Андижонлик 11 ёшли ўқувчи Турсунов Муҳаммадий халқаро IELTS имтиҳонидан 7.5 балл тўплаб, C1 даражани қўлга киритганлиги ҳақида хабар берган эдик.
