Президент қарорига кўра, техникумлар шаклан ҳам, мазмунан ҳам янгиланади. 2026 йил давомида касбий таълимда қуйидаги муҳим ўзгаришлар режалаштирилган:
Техникумлар инфратузилмаси
Жами 102 та техникум янгиланади:
– 26 таси реконструкция қилинади;
– 76 таси мукаммал таъмирланади.
7 та илғор касбий маҳорат техникумида қурилиш, таъмирлаш ва ободонлаштириш ишлари олиб борилади.
Таълим мазмуни
– 60 та касбий таълим дастури халқаро стандартлар асосида янгиланади;
– 80 та техникумда халқаро ва қўшма таълим дастурлари жорий этилади;
– Ушбу дастурлар орқали 8 000 нафар кадр тайёрланади.
Педагоглар ва раҳбарлар
- Малака тоифаси ёки сертификатга эга педагоглар улуши 38,5 фоизга етади;
- 9 200 нафар педагог, 690 нафар раҳбар ходим малака оширади;
- 300 нафар педагог хорижда малака оширади;
- Энг яхши натижа кўрсатган 150 нафар педагог хорижга юборилади.
Халқаро тажриба
- Касбий таълим муассасаларига 100 нафар хорижий «тил эгалари» жалб этилади;
- Кредит-модуль тизими жорий этилган муассасалар улуши 40 фоизга етади.
Дуал таълим
- Дуал таълим улуши 20 фоизга етказилади;
- 20 нафар мутахассис дуал таълим ривожланган давлатларга стажировкага юборилади;
- Дуал таълимда ўқиётган ўқувчилар учун стипендия тўлаш платформаси ишга туширилади.
Қамров
- 9-синф битирувчиларини касбий таълим билан қамраб олиш 34 фоизга етади.
Хулоса қилиб айтганда, 2026 йил касбий таълим учун сифат, халқаро тажриба ва амалиётга йўналтирилган йил бўлиши кутилмоқда.
