Меҳнат кодексининг 187-моддасига кўра, байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади.
Лекин, эртага 31 декабрь – байрам куни эмас, балки байрам муносабати билан белгиланган қўшимча дам олиш куни. Шу сабабли, бугун барча ходимлар одатдаги график бўйича ишлайди.
Хабарингиз бор, Президент фармонига кўра, Янги йилда кетма-кет 5 кун дам олиш куни бўлади.
2025 йилда барча ходимлар учун (иш ҳафтасининг туридан қатъи назар) 31 декабрь – чоршанба;
2026 йилда:
– барча ходимлар учун (иш ҳафтасининг туридан қатъи назар): 2 январь – жума;
– олти кунлик иш ҳафтасида ишлайдиган ходимлар учун: 3 январь – шанба.
Демак, қуйидаги кунларда расман дам олиш бўлади:
31 декабрь (чоршанба);
1 январь (пайшанба);
2 январь (жума);
3 январь (шанба);
4 январь (якшанба).
