Нодавлат олийгоҳда ўқийдиган хорижлик талабалар ўқишини давлат университетига кўчирса бўладими?

Ҳа, кўчириш мумкин.

Хорижий фуқароларнинг ўқишини хорижий ва нодавлат олий таълим ташкилотларидан давлат олий таълим ташкилотларига кўчириш (ёки қайта тиклаш) қуйидаги тартибда амалга оширилади:

1. Суҳбат асосида: Талаба махсус имтиҳон эмас, балки суҳбатдан ўтиши кифоя;

2. Ректор буйруғи: Кўчириш жараёни қабул қилувчи ОТМ ректори (директори)нинг буйруғи билан расмийлаштирилади;

3. Контракт миқдори: Тўлов-контракт миқдорлари амалдаги қонунчилик ҳужжатларига мувофиқ (хорижий фуқаролар учун белгиланган ставкаларда) белгиланади.

Эслатиб ўтамиз, бу тартиб хусусий ва хорижий олийгоҳларнинг барчасига бирдек тегишли.

Аввалроқ, қандай ҳолатларда ўқишини кўчириш ҳақидаги аризага рад жавоби берилиши ҳақида хабар берган эдик.