Вазирлар Маҳкамасининг тегишли қарори билан Бахтиёр Алимович Пўлатов Марказий Осиё атроф-муҳит ва иқлим ўзгаришини ўрганиш университети (Green University) ректори этиб тайинланди.
Бахтиёр Пўлатов 1985 йил Тошкент шаҳрида туғилган. Миллати ўзбек. 2006 йил Тошкент ирригация ва мелиорация институтини (бакалавр), 2008 йил Нидерландиянинг Вагининген университетини (магистратура), 2015 йил Швециянинг Лунд университетини (докторантура, PhD) тамомлаган. Инженер-эколог, техника фанлари доктори, доцент.
Б. Пўлатов тайинловга қадар Ўзбекистон Республикаси Олий Мажлиси Қонунчилик палатаси Экология ва атроф муҳитни муҳофаза қилиш масалалари қўмитаси раиси ўринбосари сифатида фаолият юритган.
