Она тили (ўзбек) ва адабиёт фанидан мустақил ўқиш учун тавсия этилган бадиий асарлар рўйхати янгиланди

Миллий тест тизими доирасида она тили (ўзбек) ва адабиёт фанидан адабиёт назарияси ва адабиёт тарихини билишга доир тест топшириқларини шакллантириш учун манба сифатида қараладиган мустақил ўқиш учун тавсия этилган адабиётлар рўйхати қайта шакллантирилди.

Адабиётлар рўйхати:

– мазмун жиҳатдан қисман янгиланди – асарлар жанрлар бўйича гуруҳланди ва рўйхатга лирик асарлар киритилди;

– сон жиҳатдан қисман янгиланди – мазмун ва жанр ранг-баранглигини таъминлаш мақсадида йирик ҳажмли асарлар миқдори камайтирилди.

Она тили (ўзбек) ва адабиёт фанидан миллий сертификат имтиҳонида иштирок этиш истагини билдирган талабгорлар тест синовларига:

– 2026 йил 1 апрелга қадар АМАЛДАГИ (40 та) адабиётлар рўйхати асосида;

– 2026 йил 1 апрелдан сўнг ЯНГИ (36 та) адабиётлар рўйхати асосида тайёргарлик кўриши тавсия этилади.

АМАЛДАГИ (40 та) ҳамда ЯНГИ (36 та) мустақил ўқиш учун тавсия этилган адабиётлар рўйхати билан юқоридаги пдф файлда танишиш мумкин.

Рус тили ва адабиёт ҳамда қорақалпоқ тили ва адабиёт фанларидан тавсия этиладиган адабиётлар рўйхати ўзгармайди.