Санепидқўмита Тошкент шаҳар бошқармаси мактаб ошхонасига қўйилган гигиеник талаблар ҳақида маълумот берди.
Қўйиладиган талаблар:
1. Хоналар ва жиҳозлар талаблари:
- ошхона хоналари тоза, ёруғ ва шамоллатиладиган бўлиши керак;
- деворлар 1,7 м баландликкача ювиладиган материал билан қопланган бўлиши керак;
- пол сирпанчиқ бўлмаган материалдан бўлиши ва мунтазам ювиб-дезинфекция қилиниши керак.
2. Овқат тайёрлаш талаблари:
- хом маҳсулот билан тайёр овқат бир хил жойда ишланмайди (кросс-контаминация олдини олиш);
- пичоқлар, доскалар ранг бўйича ажратилган бўлиши лозим.
3. Идиш-товоқлар гигиенаси:
Идишлар уч поғонали ювиш тизимида тозаланади:
- совунли сув;
- иссиқ сув;
- дезинфекция (махсус эритма).
Чойнак, пиёла ва қошиқ алоҳида ювилади. Бир марталик идишлар қайта ишлатилмайди.
4. Санитария ҳолати:
- ҳар куни тўлиқ умумий тозалаш, ҳафтада 1 марта чуқур дезинфекция қилинади;
- чиқиндилар қопли челакларда сақланади ва кунига камида 1–2 марта олиб чиқилади;
- зараркунандаларга қарши дезинфекция, дератизация режали равишда ўтказилади.
5. Ходимларга қўйиладиган талаблар:
- ходимлар махсус кийим (халат, бош кийим, фартук)да ишлаши шарт;
- иш бошлашдан олдин тиббий кўрикдан ўтган бўлиши керак;
- қўлларни ювиш учун махсус жойлар, совун, дезинфектор бўлиши зарур;
- ходимлар шахсий гигиена қоидаларига риоя қилиши шарт.
6. Маҳсулотларни қабул қилиш ва сақлаш:
- маҳсулотлар сифат ҳужжатлари (сертификат, сифат гувоҳномаси) билан тасдиқланган бўлиши шарт;
- музлаткич ва камералар ҳарорати назорат қилинади.
Аввалроқ, мактаб ошхоналарида бир қатор маҳсулотларнинг тайёрланиши ва сотилиши тақиқлангани ҳақида хабар берган эдик.
