Университетда таҳсил олинган йиллар иш стажига қўшиб ҳисобланиши керакми?

«Фуқароларнинг давлат пенсия таъминоти тўғрисида»ги Қонуннинг 37-модда «e» бандига асосан, пенсия олиш ҳуқуқини берадиган иш стажига қуйидагилар қўшиб ҳисобланади:

– олий таълим ташкилотларида (шу жумладан, уларда ўқиш ҳарбий хизматга тенглаштириладиган ҳарбий таълим ташкилотларида);

– аспирантурада (стажёрлар-тадқиқотчилар- изланувчилар институтида);

– докторантурада (катта илмий ходимлар — изланувчилар институтида) ва клиник ординатурада таянч докторантурада ва докторантурада (олий таълимдан кейинги таълим институтида) кундузги ўқиш, шу жумладан, чет элда ўқиш.

Маълумот ўрнида, ушбу давр фуқароларда минимал талаб этилган камида 7 йил умумий иш стажи мавжуд бўлгандагина қўшиб ҳисобланади.

Юқоридагилардан келиб чиқиб, олий таълим муассасасида таълим олинган йиллар иш стажига қўшиб ҳисобланади.

Шуни унутмаслик керакки, сизнинг олий таълим муассасаларида таълим олган тўрт йилингиз пенсияга чиқиш вақтингизда қўшилади. Лекин, ишга киришда иш стажи сифатида қўшилмайди.

Аввалроқ, 2026 йилда ойлик, стипендия, пенсия ва нафақаларни оширишга қанча пул ажратилиши ҳақида хабар берган эдик.