Янги йилга қўшимча дам олиш кунлари белгиланиши кутилмоқда.
Камбағалликни қисқартириш ва бандлик вазирлиги томонидан бу ҳақида тегишли таклифлар Вазирлар Маҳкамасига киритилган.
Декабрь ойида Президент ҳужжати имзоланиши кутилмоқда.
Бунда, 5 кунлик иш ҳафтасида ишлайдиган ходимлар учун 2 январь — жума, 6 кунлик иш ҳафтасида ишлайдиган ходимлар учун 2 январь — жума, 3 январь — шанба кунларини қўшимча дам олиш кунлари этиб белгиланиши мумкин.
Шунга кўра, таълим муассасалари раҳбарлари ходимлар билан боғлиқ буйруқларни шошмасдан, тегишли Фармон имзоланганидан сўнг, қўшимча дам олиш кунларини ҳисобга олган ҳолда расмийлаштиришлари керак.
2025 йилда қўшимча дам олиш кунларини белгилаш ҳақида Ўзбекистон Республикаси Президенти Фармони қабул қилинмаган.
Аслида 2025 йилда бу амалиёт бекор бўлган эмас, шунчаки деярли барча байрамларда 3 кунлик дам олиш кунига тўғри келиб қолган (байрамлар шанба ва якшанбадан олдин ёки кейин ёхуд якшанба кунига). Шунинг учун Фармон билан яна қўшимча дам олиш кунини белгилашга эҳтиёж қолмаган.
2026 йилда эса бу ҳолат юз бермайди, шу сабабли Фармон қабул қилинишига зарурият бор. Шунга асосан Камбағалликни қисқартириш ва бандлик вазирлиги бу ҳақида тегишли таклифларни Вазирлар Маҳкамасига киритган.
Шу сабабли, меҳнат таътили берилаётган ходимларга буйруқ қабул қилишда ишга чиқиш куни 31 декабрь, 2 ва 3 январь этиб белгиланади. Фармон қабул қилинса, ушбу буйруқларга ишга чиқиш кунини кейинги биринчи иш кунига тўғрилаб ўзгартириш киритилади.
