Вазирлар Маҳкамасининг 572-сон қарори билан тасдиқланган низомнинг 36-бандига мувофиқ, ўрта махсус ва касбий таълим ташкилотларида камида C1 даражадаги миллий ёки унга мос халқаро сертификатга эга чет тили ўқитувчилари, шунингдек, Билим ва малакаларни баҳолаш агентлиги томонидан бериладиган камида B+ (ёки аввалги тизимда 80 балл ва ундан юқори) даражадаги умумтаълим фани бўйича сертификатга эга педагоглар навбатдаги мажбурий аттестацияда ўз фанидан максимал балл билан баҳоланади ҳамда ушбу фан бўйича малака синовидан озод этилади.
Шунга кўра, Олий таълим, фан ва инновациялар вазирлиги томонидан имтиёз қўлланиладиган сертификатга эга 35 нафар ўқитувчилар рўйхати эълон қилинмоқда.
Қуйида ушбу рўйхат билан танишиш мумкин:
