Чет тили имтиҳони (кўзи ожизлар) учун рухсатномалар тақдим этилди.
Кўзи ожиз талабгорлар учун чет тилини билиш даражасини аниқлаш бўйича тест синовлари 2025 йил 5 декабрь куни Қорақалпоғистон Республикаси, вилоятлар ва Тошкент шаҳрида бўлиб ўтади.
Имтиҳон жойи ва аниқ вақти рухсатномада кўрсатилган бўлиб, талабгорлар рухсатномаларини my.gov.uz сайтининг «Менинг аризаларим» бўлимидан юклаб олишлари мумкин.
Талабгорлардан тест синовига белгиланган вақтдан камида 30 дақиқа олдин шахсини тасдиқловчи ҳужжат (паспорт ёки ИД-карта) билан келишлари сўралади.
Аввалро, 2-ярим йилликнинг чет тили сертификатини олиш синовига рўйхатдан ўтиш якунлангани ҳақида хабар берган эдик.
