Турмуш ўртоғининг контрактини ойлик маоши ҳисобидан тўлаганларга даромад солиғи ҳисобланмайдими?

Солиқ кодекси 378-моддасида Солиқ солинмайдиган даромадлар турлари келтирилган. Шундан 16-банд 2-хат бошида келтирилишича:

«Ўзбекистон Республикасининг профессионал ва олий таълим ташкилотларида таълим олиш (ўзининг, фарзандларининг, шунингдек йигирма олти ёшга тўлмаган эрининг (хотинининг) таълим олиши) учун тўлов. Мазкур имтиёз солиқ тўловчининг профессионал ва олий таълим ташкилотларида ўқиш учун тижорат банклари томонидан ажратилган таълим кредитларига (фоизлари билан) қоплашга йўналтирилган даромадларига нисбатан ҳам қўлланилади».

Бундан келиб чиқадики, агар ўзининг, фарзандларининг, йигирма олти ёшга тўламаган эрининг (хотинининг) таълим олиши учун ойлик маошидан тўлов қилинса, даромад солиғи тўланмайди.

Аввалроқ, ОТМ учун контракт тўланганда ота-оналарга фарзанднинг ёшидан қатъий назар 12 фоизлик даромад солиғидан имтиёз берилиши ҳақида хабар берган эдик.