Ўқувчи дафтар тутмагани учун ота-она жавобгарликка тортилиши мумкинми?

Ўқувчи дафтар тутмагани учун ўқитувчини эмас, ота-онани жавобгарликка тортилади.

Биринчидан, Таълим тўғрисидаги қонун 51-моддасида вояга етмаган таълим олувчиларнинг ота-онаси ва бошқа қонуний вакилларининг бир қатор мажбуриятлари қайд этилган бўлиб, унга кўра юқоридаги шахслар:

– ўз болаларини инсонпарварлик, ватанпарварлик, меҳнатсеварлик, маънавий, миллий ва умуминсоний қадриятларни ҳурмат қилиш руҳида тарбиялаши;

– ўз болаларининг интеллектуал, маънавий ва жисмоний ривожланиши учун шарт-шароитлар яратиши;

– таълим-тарбия жараёни иштирокчиларининг шаъни ва қадр-қимматини ҳурмат қилиши шарт.

Айнан мана шу мажбуриятлар ўқувчининг қонуний вакилларининг ўқувчининг ҳуқуққа хилоф ҳаракатлари учун жавобгарликни ўз зиммасига олишини англатади.

Иккинчидан, Халқ таълими вазирлигининг 2021 йил 1 июлдаги 206-сонли буйруғига асосан тасдиқланган ўқитувчиларнинг лавозим мажбуриятларида ўқитувчининг ўқувчиларга дафтар туттириш мажбурияти қайд этилмаган.

Бундай ҳолатда ота-онага Маъмурий жавобгарлик тўғрисидаги кодекс 47-моддаси иккинчи қисми билан жавобгарлик чораси қўлланилади.

Яна худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса, базавий ҳисоблаш миқдорининг 5 бараваридан 10 бараваригача миқдорда жарима солишга сабаб бўлади.

Аввалроқ, ўқитувчини обрўсизлантириб, қўпол сўзлар билан ҳақоратлаган ота-онага қандай чора кўрилиши ҳақида хабар берган эдик.