География ва иқтисодий билим асослари йўналиши битирувчилари қаерларда ишлаши мумкин?

Фаолият объектлари:

– умумий ўрта, ўрта махсус, профессионал таълим муассасаларида;

– Мактабгача ва мактаб таълими вазирлиги тизимидаги идораларда;

– Ўзбекистон Республикаси Фанлар академияси ва тармоқ илмий-тадқиқот институтларида;

– табиий, иқтисодий-ижтимоий география, экология ва атроф-муҳит муҳофазаси, география таълими, иқтисодиёт соҳаларидаги муаммолар ва уларнинг ечимлари соҳаларида;

– давлат бошқарув органлари, ўрта, ўрта махсус касбий таълимнинг давлат ва нодавлат муассасаларида.

Битирувчилар қуйидаги касбий фаолият соҳалари бўйича ишлашлари мумкин:

– умумий ўрта таълим мактаб ўқитувчиси касб стандартига мувофиқ умумий ўрта таълимда география, иқтисодий билим асослари ҳамда тадбиркорлик асослари фанлари ўқитувчилари мақомида педагогик фаолият олиб бориш;

– ўрта махсус ва профессионал таълимда география, иқтисодий билим асослари ҳамда тадбиркорлик асослари фанлари ўқитувчилари сифатида педагогик фаолият олиб бориш;

– Ўзбекистон Республикаси фанлар академияси ва тармоқ илмий-тадқиқот институтларида ҳамда мустақил тадқиқотчи сифатида илмий-педагогик тадқиқот ишлари билан шуғулланиш;

– умумий ўрта таълим мактаби директори касб стандартига мувофиқ таълим муассасасини бошқариш;

– умумий ўрта таълим мактаби, профессионал таълим муассасалари, олий таълим муассасаларида лаборант;

– кабинет мудири.

Аввалроқ, «Махсус педагогика» йўналиши битирувчилари қандай касбларни эгаллаши мумкинлиги ҳақида хабар берган эдик.