Жорий йилнинг 19 ноябр куни Сурхондарё вилоятида 18 ёшли талаба ўзини кўп қаватли бинонинг 14-қаватидан пастга отган.
Ҳодиса оқибатида Тошкент тиббиёт университетининг Термиз филиалида 2-босқичда ўқиётган талаба воқеа жойида ҳалок бўлган.
Бош прокуратура матбуот котиби Ҳаёт Шамсутдинов маълум қилишича, соат 16:00 лар атрофида Термиз шаҳар Моваро домларида Тошкент тиббиёт университети Термиз филиали 2-босқич талабаси Самарқанд вилояти, Оқдарё туманида туғилган фуқаро йигит кўп қаватли уйнинг 14-қаватидан ўзини ташлаб, воқеа жойида вафот этган.
Ҳозирда, Термиз шаҳар прокуратураси томонидан терговга қадар текшириш ҳаракатлари олиб борилмоқда.
