Хусусийларда ҳам қонун ишлайди фақат буни талаб қилиш керак.
Фуқаролик кодексининг 703-моддасига биноан ҳақ эвазига хизмат кўрсатиш шартномаси бўйича ижрочи буюртмачининг топшириғи билан ашёвий шаклда бўлмаган хизматни бажариш (муайян ҳаракатларни қилиш ёки муайян фаолиятни амалга ошириш), буюртмачи эса бу хизмат учун ҳақ тўлаш мажбуриятини олади.
Қоиданинг мазмунига кўра сиз буюртмачи сифатида МТТ (хусусий боғча) билан таълим хизматларини кўрсатиш тўғрисида шартнома тузасиз.
Фуқароки кодексининг 705-моддаси биринчи қисмида буюртмачи ўзига кўрсатилган хизматлар ҳақини ҳақ эвазига хизмат кўрсатиш шартномасида кўрсатилган муддатларда ва тартибда тўлаши шартлиги белгиланган.
Мазкур қоиданинг мазмунига кўра сиз буюртмачи сифатида фақат кўрсатилган хизматлар учун ҳақ тўлайсиз. Агар фарзандингиз узрли сабабларга кўра боғчага бора олмаган бўлса, шу боролмаган кунлар учун ҳақ тўланмайди. Ҳақ яъни тўлов фақат кўрсатилган хизмат учунгина (бошқача айтганда фақат фарзандингиз боғчага борган кун учун) тўланади.
Агар МТТ кўп ҳақ олган бўлса, қолган суммани қайтариш ҳақида судга ариза бериш керак.
