Россия Федерацияси Таълим ва фан вазирлиги тўловли ўқишга қабул қилишни чеклашни режалаштирмоқда. Бу чекловлар фақат ўртача бали 50 дан кам бўлган абитуриентларга тааллуқли бўлиб, фақат 10% мутахассисликлар учун қўлланилади.
Вазирлик томонидан ишлаб чиқилган янги методика лойиҳаси, ҳозирда жамоатчилик муҳокамасида, университетларга тўловли ўқишга қанча жой ажратилишини белгилайди. Лойиҳа бўйича, 2025/26 ўқув йилида тўловли қабулга кириш учун ўртача балли 50 дан кам бўлган мутахассисликлар бўйича тўловли ўқишга қабул қилишни чеклаш кўзда тутилган.
«Россия Таълим ва фан вазирлиги давлат томонидан тўловли таълим жойларини тақсимлаш методикасининг лойиҳасини ишлаб чиқди ва ҳозирда бу лойиҳа оммавий муҳокама қилинмоқда. Методика лойиҳаси университетлар учун тўловли таълим жойларининг сонини белгилаш учун ягона механизм ва мезонларни белгилайди», – дейилади хабарда.
Бу чеклов фақат баъзи мутахассисликларга, хусусан 42 та мутахассисликка тааллуқли бўлади, бу эса уларнинг умумий сонининг тахминан 10% ини ташкил этади. Мисол учун, агар ʼЪМенежментʼʼ мутахассислиги бўйича ўртача балл 49 бўлса, тўловли ўқиш учун бу мутахассисликда қабул чекланиши мумкин.
Россия таълим вазирлигининг айтишича, тўловли қабулни тартибга солишнинг асосий вазифалари Россиянинг иқтисодий манфаатларига мос равишда тўловли ўқув жойларининг тузилмасини ўзгартириш, олий таълим сифатини ошириш ва битирувчиларнинг ишга жойлашиш имкониятларини таъминлашдир. Бу ёндашув кам тайёрланган абитуриентларнинг иқтисодиётга зарур бўлмаган мутахассисликларга қабулини чеклайди.
Вазирликнинг маълум қилишича, 2024/25 ўқув йилида тўловли жойларга қабул қилганларнинг ўртача балл 63,4 бўлса, 50 баллдан паст бўлган мутахассисликларга тўловли ўқув жойларини белгилаш чекловлари фақат энг кам тайёрланган абитуриентларнинг кичик қисмини таъсир қилади.
Янги ўзгаришлар барча давлат ва хусусий университетлар учун мажбурий бўлади.
2025 йил 1 сентябрдан Россия университетларига тўловли қабулни давлат томонидан тартибга солиш бўйича қонун кучга кирди, бу қонун ҳукуматга олий ўқув юртларига тўловли ўқув жойлари сонини белгилаш ҳуқуқини беради.
Аввалроқ, Ўзбекистонда ҳам 2025 йил 13 сентябрдаги Вазирлар Маҳкамасининг 578-сонли қарори билан энди 56,7 баллдан паст балл олган абитуриентларга супер-контракт қилиш имконияти берилмаслиги ҳақида хабар берган эдик.
