Хабарингиз бор, жорий ўқув йилининг I чорак якуни бўйича билимни баҳолашнинг янги тартиби жорий этилган умумтаълим мактабларининг 5-11-синф ўқувчилари учун чораклик сумматив баҳолаш (ЧСБ) синовлари марказлашган тартибда ўтказилиши белгиланган.
Унга кўра, ЧСБ синовлари мактабларда 23-30 октябрь кунлари — онлайн (компьютерда) шаклда, 1 ноябрь куни — анъанавий (қоғозда) шаклда ташкил этилди.
Тегишли низомга мувофиқ БСБ, ЧСБ бўйича ўқувчига форматив баҳолаш (кунлик баҳолаш) тартиби бўйича қуйидагича баҳоланади:
9-10 балл қўйилади.
Агар ўқувчи дарсда:
– фаол, саволларга аниқ ва тўғри жавоб берса, гуруҳ ва жуфт бўлиб ишлашда ҳам фаоллик даражаси юқори бўлса;
– айрим қисмларида жуда фаол, саволларга тўғри жавоб берса, айрим хатоларга йўл қўйса.
Уйга вазифаларни бажариши:
– уйга вазифани тўлиқ ва хатоларсиз бажарган бўлса;
– уйга вазифани тўлиқ бажарган, баъзи хатоликлар мавжуд бўлса.
6-8 балл қўйилади, агар
– фаол қатнашса, фикрларини қисман тўғри баён эта олса;
– фаол лекин саволларга иккиланиб жавоб берса, гуруҳ, жуфт бўлиб ишлаганда фаоллик даражаси паст бўлса;
– фаол бўлишга ҳаракат қилса, мавзуга доир саволларнинг айримларига тўғри жавоб берса.
Уйга вазифаларни бажариши:
– уйга вазифани бажарган, хато ва камчиликларга йўл қўйган бўлса.
0-5 балл қўйилади, агар:
– фаол иштирок этса ва тўғри бўлмаган фикрлар билдирса;
– саволларга нотўғри жавоб берса, ўқувчилар орасида дарсдаги фаоллиги сезиларли бўлмаса.
Уйга вазифаларни бажариши:
– уйга вазифани қисман бажарган, хатоликлар кўп бўлса;
– уйга вазифани бажармаган бўлса.
