Сирдарё Гулистон шаҳар 11-умумтаълим мактабининг 11-синф ўқувчилари — Убайдуллаев Султонбек IELTS халқаро имтиҳонидан 7 балл, Ахроржонов Шоҳрух 7.5 даражадаги халқаро сертификатга эга бўлишди.
Иккала ўқувчи ҳам оиласи, ўқитувчиларининг ҳамда ўз устида ишлаганлари туфайли IELTS имтиҳонидан 7 ва 7.5 балл қўлга киритганларини таъкидлаган.
Айни пайтда битирувчилар ушбу сертификат орқали хорижий университетларга кириб таҳсил олмоқчи эканлигини билдиришган.
Аввалроқ, Наманганлик 11-синф ўқувчиси IELTS имтиҳонида 8 баллик натижани қўлга киритганди.
Шунингдек, IELTS дан 9.0 баллни қўлга киритган 17 ёшли Нозима Қадамова ҳақида хабар берган эдик ва у билан бўлиб ўтган суҳбатни эътиборингизга ҳавола қилган эдик.
