Президент ҳузуридаги Давлат сиёсати ва бошқаруви академиясининг магистратура мутахассисликларига ўқишга қабул қилиш бўйича тест синовлари 2025 йил 11 октябрь куни бўлиб ўтади.
Тест синови ўтказиладиган манзил: Тошкент давлат иқтисодиёт университети, 1-ўқув биноси (Тошкент шаҳри, Чилонзор тумани, Ислом Каримов кўчаси, 49-уй)
Тест синовида иштирок этувчи талабгорлардан 11 октябрь куни соат 12:30 дан кечикмасдан белгиланган манзилга етиб келишлари сўралади. Имтиҳон соат 13:00 да бошланади.
Талабгорлар ўзлари билан шахсни тасдиқловчи ҳужжат (паспорт ёки ID-карта асл нусхаси) олиб келишлари лозим.
