Умумтаълим мактабларида пуллик таълим хизматлари Вазирлар Маҳкамасининг 2019 йил 22 апрелдаги 343-сонли қарорига мувофиқ ташкил этилиши мумкин. Бу хизматлар қуйидагиларни ўз ичига олади:
Чуқурлаштирилган фан дастурлари –ўқувчилар билимини мустаҳкамлаш ва қизиқишларини ривожлантиришга йўналтирилади.
Тўгараклар ва студиялар – спорт, санъат, дастурлаш ва бошқа ихтисосликлар бўйича қўшимча машғулотлар.
Тайёрлов курслари – олий таълимга кириш имтиҳонларига тайёргарлик учун мўлжалланган.
Хизмат кўрсатиш тартиби:
Ота-она ёки васий билан ёзма шартнома тузилади.
Тўловлар шартномада белгиланган муддат ва усулда амалга оширилади.
Барча хизматлар расмий ҳужжатлар билан ҳисобга олинади, шаффофлик ва ҳисобдорлик таъминланади.
Пуллик таълим хизматларидан тушган маблағлар қатъий белгиланган мақсадларда ишлатилади:
– Ходимларни рағбатлантириш;
– Моддий-техник базани бойитиш;
– Ўқув-услубий материаллар харид қилиш;
– Бошқа харажатлар.
Хусусан, маблағларнинг 40% мактабларнинг моддий-техник базасини яхшилашга, 30% ходимларни рағбатлантиришга, 20% ўқув-услубий материаллар сотиб олишга, қолган 10% эса бошқа операцион харажатларга йўналтирилади.
Эслатиб ўтамиз, мазкур хизматларга ўқувчиларни мажбурий жалб этиш тақиқланади.
65
