«Миллий тикланиш» партияси раҳбари Алишер Қодиров ўқитувчиларнинг меҳнати оғирлигини ҳисобга олиб, улар учун пенсия ёшини 50 ёшгача тушириш таклифини илгари сурди.
«50 ёшдан кейин ўқитувчига берайлик пенсия, дедик, айтдик. Нимага? Ўқитувчи тамом бўлади. «Лётичкка», махсус хизмат ходимларига 45 ёшдан кейин пенсияни бериб юборсангиз. [Ижтимоий агентлик, сизларни қизиқтирадиган нарса]
Нимага? Улар оғир шароитда ишлагани учун. Педагог оғир шароитда ишламайдими? Педагогга шароитини яратиб бермагансиз. 50 та болани қаршисига қўйиб қўйгансиз. У уч йил яшаганда, 30 йил яшагандек бўлади. Нимага унга пенсия 50 ёшдан йўқ?»
Қодировнинг бу ташаббуси янгилик эмас. У бундан аввал ҳам пенсия ёшига етган ўқитувчиларнинг болалар билан ишлашини чеклаш зарурлигини таъкидлаган. Унинг фикрича, бундай чоралар болалар хавфсизлигини таъминлаш билан бирга, таълим тизимида авлодлар алмашинуви ва замонавий ёндашувларнинг тезроқ кириб келишига хизмат қилади.
Шуни ҳам эслатиб ўтиш керакки, Меҳнат кодексига кўра, ходим пенсия ёшига етгани сабабли иш берувчи унинг меҳнат шартномасини бекор қилишга ҳақли эмас.
