Биология, математика ҳамда информатика ва ахборот технологиялари фанларидан ўқитувчилар олимпиадасининг Республика босқичи жорий йилнинг 23–26-центабр кунлари «Ренессанс» оромгоҳида бўлиб ўтади.
Ҳудудий босқичда ғолибликни қўлга киритган ўқитувчилар мазкур босқичда иштирок этиш ҳуқуқига эга бўладилар. Олимпиада синовлари 24–25-центабр кунлари икки турда ташкил этилиши режалаштирилган.
Мусобақа давомида иштирокчилар ўз билим ва тажрибаларини намоён этиб, илмий-ижодий қобилиятларини синовдан ўтказадилар. Натижаларга кўра, фанлар кесимида энг юқори балл тўплаган 3 нафардан жами 9 нафар иштирокчи мутлақ ғолиб деб топилади.
Шунингдек, Республика босқичида энг юқори натижаларни қайд этган 10 нафар ўқитувчи Фан олимпиадалари марказининг «Фан кенгаши» аъзолигига қабул қилинади.
Эслатиб ўтамиз, олимпиаданинг ҳудудий босқичи 9-10 сентябрь кунлари ўтказилган эди. Натижалар билан сайтимиз орқали танишишингиз мумкин.
