Ўзбекистон элчиси Абат Файзуллаев Италиянинг Тушия университети ректори, профессор Стефано Убертини билан учрашди.
Суҳбат давомида Убертини Ўзбекистон Қишлоқ хўжалиги вазирлиги билан Самарқанддаги Агроинновация ва илмий тадқиқот институтида қўшма кампус ташкил этиш бўйича келишув имзоланганини ва ишлар бошланганини маълум қилди.
Унинг сўзларига кўра, Тушия университетининг хориждаги илк филиали сифатида Ўзбекистонда очиладиган кампуснинг расмий очилиши 2025 йил 30 сентябрь куни бўлиб ўтади, ўқув жараёни эса 2026 йил январидан бошланади.
Ректор таъкидлаганидек, бу лойиҳа орқали ўзбекистонлик талабалар Италия аграр соҳасининг илғор тажрибаси ва замонавий технологияларидан фойдаланиш имкониятига эга бўлади.
1979 йилда Витербо шаҳрида ташкил этилган Тушия университети Италиянинг қишлоқ хўжалиги бўйича етакчи олий таълим масканларидан бири ҳисобланади. Ҳозирда унда 8 мингдан ортиқ талаба таҳсил олмоқда.
