Таълим соҳасида энг нуфузли баҳолаш тизимларидан бири бўлган QS World University Rankings 2026 натижалари эълон қилинди. Мазкур рейтинг жаҳоннинг 1 500 дан ортиқ университетларини қамраб олган бўлиб, унда илмий фаолият, ўқув дастурлари, профессор-ўқитувчилар салоҳияти, халқаро ҳамкорлик ва битирувчиларнинг меҳнат бозоридаги муваффақияти асосий мезон сифатида ҳисобга олинган.
Massachusetts Institute of Technology (MIT) — яна бир бор дунё университетлари ичида биринчи ўринни эгаллади. Imperial College London — иккинчи поғонага кўтарилиб, ўз илмий изланишлари ва технологик инновациялари билан алоҳида эътироф этилди. Oxford University вa Harvard University эса кучли бешликни сақлаб қолди.
Қуйида бу йилги рейтингдаги энг кучли ўнталик:
1. Massachusetts Institute of Technology (MIT) AQSH (Cambridge) 100
2. Imperial College London Buyuk Britaniya (Лондон) 99.4
3. Stanford University AQSH (Stanford) 98.9
4 .University of Oxford Buyuk Britaniya (Oxford) 97.9
5. Harvard University AQSH (Cambridge) 97.7
6. University of Cambridge Buyuk Britaniya (Cambridge) 97.2
7. ETH Zurich Shveytsariya (Zürich) 96.7
8. National University of Singapore (NUS) Сингапур 95.9
9. University College London (UCL) Буюк Британия (Лондон) 95.8
10. California Institute of Technology (Caltech) АҚШ (Пасадена) 94.3
Мутахассислар таъкидлашича, бу йилги рейтингда Европа университетлари мавқеи сезиларли даражада ошган. Хусусан, Германия ва Нидерландия олий таълим муассасалари илмий фаолият ҳамда халқаро ҳамкорлик мезонларида юқори балл тўплаган.
QS рейтинги дунё талабалари учун университет танлашда энг муҳим кўрсаткичлардан бири ҳисобланади. Рейтинг натижалари олий таълим муассасалари ўртасида соғлом рақобатни кучайтиради ва таълим сифатини оширишга хизмат қилади.
Эслатма! «“QS World University Rankings 2026”» натижаларига кўра,Ўзбекистон ушбу рейтингда илк бор иштирок этган университетлар сони бўйича жаҳоннинг 9 та мамлакати қаторидан жой олган.
Рейтингга киритилган Ўзбекистон ОТМ лари:
«ТИҚХММИ» миллий тадқиқот университети — 469-ўрин (2025 йилда =547)
Ўзбекистон Миллий университети — 721–730 (2025 йилда 781-790)
Тошкент давлат техника университети — 901–950 (илк бор)
Самарқанд давлат университети — 1001–1200 (илк бор)
Тошкент давлат иқтисодиёт университети — 1001–1200 (илк бор)
Тошкент давлат транспорт университети — 1201–1400 (илк бор)
Тошкент ахборот технологиялари университети — 1401+ (илк бор)
Ўзбекистоннинг 4 та олийгоҳи «Битирувчилар ютуқлари» индикатори бўйича топ-700 таликка кирган:
Тошкент давлат техника университети – 540-ўрин
Ўзбекистон Миллий университети – 545-ўрин
«ТИҚХММИ» Миллий тадқиқот университети – 644-ўрин
Тошкент давлат иқтисодиёт университети – 660-ўрин
Маълумот учун, QS World University Rankings – 2004 йилдан бери эълон қилиб келинаётган, олий таълим муассасаларини 9 та глобал индикатор асосида баҳоловчи энг обрўли халқаро рейтинглардан бири ҳисобланади.
