Билим ва малакаларни баҳолаш агентлиги томонидан ҳарбий тавсияномага эга абитуриентлар учун 2025 йилги олий таълим муассасаларига кириш имтиҳонлари натижаларига кўра ўтиш баллари эълон қилинди.
Ўтиш баллари энг юқори бўлган ОТМлар:
— Ўзбекистон давлат санъат ва маданият институти (Нукус филиали) — 149.7 балл (грант)
— Миллий рассомчилик ва дизайн институти — 147.2 балл (грант);
— Тошкент давлат юридик университети — 137.4 балл (грант);
— «Ипак йўли» туризм ва маданий мерос халқаро университети — 134.5 балл (грант);
— Каттақўрғон давлат педагогика институти — 114.3 балл (грант).
Ўтиш баллари энг паст бўлган ОТМлар:
— Тошкент давлат иқтисодиёт университети — 56.9 балл (контракт);
— Тошкент давлат техника университети — 56.7 балл (контракт);
— Қорақалпоқ давлат университети — 56.7 балл (контракт);
— Фарғона давлат техника университети — 56.8 балл (контракт).
Ҳарбий тавсияномага эга абитуриентларнинг 2025 йилги ўтиш баллари билан танишиш учун бу ерга босинг.
Маълумот учун: Ҳарбий қисм қўмондонлигининг тавсияномаларига эга бўлган абитуриентлар учун республика бўйича жами 9 766 та қўшимча ажратилган эди.
Ҳарбий тавсияномали абитуриентлар учун ажратилган квоталар таълим шакллари бўйича қуйидагича тақсимланган:
— кундузги таълим — 7 420 та (шундан 1 775 та давлат гранти, 5 645 та тўлов-контракт асосида);
— кечки таълим — 1 436 та (барчаси тўлов-контракт асосида);
— масофавий таълим — 910 та (тўлов-контракт асосида).
Мазкур қўшимча квоталар ҳарбий қисм қўмондонлигининг тавсияномасига эга бўлган абитуриентларга берилган. Шунингдек, қўшимча квоталар аниқ бир таълим йўналиши учун эмас, балки ОТМ кесимида ажратилган.
Муҳим: Ҳарбий тавсиянома қўшимча балл бермайди. Имтиёз шунчаки абитуриентни қўшимча квотада қатнашиш ҳуқуқи билан таъминлайди. Яъни, танлов имкониятини оширади, лекин натижага фақат тўпланган балл асосида қаралади.
