Президент Шавкат Мирзиёевнинг таълимга оид видеоселекторда абитуриентларга олтинчи имкониятни беришни илгари сурган эди. Таҳририятимизга усбу янги тартиб бўйича бир қанча саволлар келиб тушмоқда. Қуйида энг кўп берилган саволларга жавоб берамиз.
Ушбу тартибда қачондан бошланади?
Ҳуқуқшунос Хушнудбек Худойбердиевнинг хабар беришича, бу тартиб жорий 2025 йилдан кучга киради.
Ўқишга қабул қилиш тартиби қандай бўлади?
Ҳозирча аниқ тартиби тасдиқланмаган. Олий таълим, фан ваинновациялар вазирлиги мутахассисларининг маълум қилишича, вазирлик бир нечта вариант устида иш олиб бормоқда. Расмий тартиб тасдиқлангач, қўшимча маълумот берилади.
Кимлар учун?
Бу имкониятдан фақатгина танлаган бешала йўналишига ҳам (на грант, на контрактга) кира олмаган абитуриентлар фойдалана олиши мумкин. Агар абитуриент бирорта йўналишга қабул қилинган бўлса, бу тартиб ўқишган кирганлар учун амал қилмайди.
Бу супер-контрактми?
Йўқ, бу супер-контракт эмас. Бу имконият фақат квотаси тўлмай қолган ўринлар ҳисобидан тақдим этилади. Агар бирор йўналишда барча ўринлар тўлган бўлса, унга олтинчи йўналиш сифатида танлов бўлмайди.
Қайси йўналишни танлаш мумкин?
Олтинчи йўналишни танлашда абитуриентнинг фанлар мажмуаси мос келиши шарт. Масалан, биология фанидан имтиҳон топширган абитуриент юриспруденция йўналишини танлай олмайди.
