Ҳукуматнинг 2021 йил 17 сентябрдаги 572-сон қарорига кўра, туғруқ (декрет) таътилидаги ўқитувчилар навбатдаги мажбурий аттестацияга жалб этилмайди.
Ушбу Низомнинг 6-бандига мувофиқ:
– ҳомиладор аёллар, улар ҳомиладор бўлган даврда ҳамда ишга чиққанидан кейин бир йил давомида;
– ҳомиладорлик ва туғиш ҳамда болани парвариш қилиш таътилларида бўлган аёллар, улар таътилда бўлган даврда ҳамда ишга чиққанидан кейин бир йил давомида;
– педагогик фаолият билан шуғулланаётган уч ёшгача болалари бор аёллар мажбурий аттестациядан озод қилинадилар.
Мажбурий аттестациядан озод қилинган ўқитувчилар фақат ўз ихтиёрларига кўра навбатдан ташқари тури бўйича иштирок этишлари мумкин.
